HİOSSİN BUTİLBROMİD (HYOSCINE BUTYLBROMIDE)

ÜST-ün əsas dərman vasitələrinin (ƏDV) siyahısına daxildir

Təsir mexanizmi və istifadəsinə göstərişlər:

• M-xolinoreseptorları blokada etməklə, daxili orqanların saya əzələlərinin tonusunu, yığılma aktivliyini, ekzokrin vəzilərin sekresiyasını azaldır. Ürək yığılmalarının sayını artırır, midriaz, akkomodasiyanın iflicinə səbəb olur, gözdaxili təzyiqi artırır.

İstifadəsinə göstərişlər:

•  Böyrək sancısı;
•  Öd sancısı, öd yollarının və öd kisəsinin hipermotor diskineziyası, xolesistit;
•  Bağırsaq sancısı, pilorospazm, kəskinləşmə mərhələsində olan xora xəstəliyi;
•  Dismenoreya;
•  Sistit nəticəsində sidik kisəsinin hiperkineziyası.

Doza rejimləri:

• Böyüklərə və 6 yaşdan yuxarı uşaqlara: 10-20 mq dozada günda 3-5 dəfə;
• 1 yaşdan 6 yaşa qədər – günda 3-5 dəfə, 5-10 mq dozada daxilə və ya 7,5 mq dozada rektal təyin edilir; 1 yaşa qədər – günda 2-3 dəfə 5 mq daxilə və ya günda 5 dəfəyə qədər, 7,5 mq dozada rektal təyin edilir.
• Kəskin vəziyyətlərdə böyüklərə 20-40 mq, uşaqlara 5-10 mq dozada dərialtı, əzələdaxili və venadaxili, günda 3 dəfə olmaqla təyin edilir.

Əlavə təsirləri:

•  Akkomodasiyanın pozulması;
•  Başgicəllənmə, yuxululuq;
•  Ürəkdöyünmə

Əks-göstərişlər:

•  Qlaukoma;
•  Prostat vəzin adenoması;
•  Pilorostenoz;
•  Taxiaritmiya;
•  Mexaniki bağırsaq keçməməzliyi;
•  Ağciyər ödemi;
•  Beyin damarlarının aydın ifadə olunmuş aterosklerozu;

Xüsusi göstərişlər:

• Hamiləlik, laktasiya zamanı və peşəsi yüksək diqqət tələb edən şəxslərə ehtiyatla təyin edilməlidir.

Ticarət adları (istehsalçı firma adları), tərkibi və buraxılış forması:

• BUSKOPAN (İstituto de Angeli S.R.L., İtaliya)
• Hyoscine butylbromide 10mq, şam №10
• BUSKOPAN (Delfarm Reims, Fransa)
• Hyoscine 10mg, örtüklü tabletlər №20
• SKOPASSİN (Antibiotiçe S.A., Rumıniya)
• Hyoscine butylbromide 10mg, örtüklü tabletlər №20, №200