FAMOTİDİN

ÜST-ün əsas dərman vasitələrinin (ƏDV) siyahısına daxil deyil

Təsir mexanizmi və istifadəsində göstərişlər:

• Famotidin H2 histamin reseptorlarının III nəsil blokatorudur. Mədənin selikli qişasının parietal hüceyrələrinin H2 histamin reseptorlarını konkurent blokada etməklə antisekretor təsir göstərir.
• Mədədə xlorid turşusunun bazal, gecə və qida ilə stimulə olunmuş sekresiyasını azaldır. Nisbətən az dərəcədə pepsinin və Kaslın daxili amilinin sekresiyasını azaltmaqla mədə şirəsinin həcmini azaldır.
• Bundan əlavə, preparat mədə və onikibarmaq bağırsağın selikli qişasında prostaqlandin E2-nin sintezini artırmaqla sitoprotektiv təsir göstərir.

İstifadəsinə göstərişlər:

•  Qastroezofageal reflüks;
•  Mədə və onikibarmaq bağrısağın xoşxassəli xoralı zədələnmələri;
•  Zollinger-Ellison sindromu;
•  Təcili əməliyyatlar və doğuş zamanı aspirasion pnevmoniyanın (Mendelson sindromu) profilaktikası məqsədilə premedikasiya;
•  Həzm traktının yuxarı şöbələrindən qanaxma;
•  Mədəaltı vəzin ekskretor funksiyasının çatışmazlığı zamanı qəbul edilən ferment dərman vasitələrinin parçalanma riskini azaltmaq üçün;
•  Əməliyyatdan sonrakı anastomoz xoraları;
•  «qısa nazik bağırsaq» sindromu (anastomoz);
•  Hiperhistaminemiya ilə müşayiət olunan sistem mastositoz, bazofil leykemiya zamanı hipersekretor vəziyyətlər.

Doza rejimləri:

Mədə və onikibarmaq bağırsağın xoĢxassəli xoraları:

• Böyüklərə: gün ərzində 20-40 mq 2 dəfə (səhər yeməyi ilə və yatmazdan əvvəl)
• və ya gün ərzində 1 dəfə, səhər və ya axşam olmaqla 40 mq,
• və ya 80 mq yatmazdan əvvəl təyin edilir.

Müalicə mədə xorası zamanı 4 həftədən az olmayaraq, onikibarmaq bağırsaq xorasında 6 həftədən az olmayaraq və qeyri steroid iltihab əleyhinə dərman vasitələrilə induksiya olunmuş xoralar zamanı 8 həftə müddətində aparılır. Zərurət olduqda, doza gün ərzində 20 mq 4 dəfə və ya nadir hallarda (stress xoraları zamanı) bir neçə qəbula bölünmüş 160 mq maksimal dozaya qədər artırıla bilər.

Qastroezofageal reflüks:

• Böyüklərə: gün ərzində 20 mq-dan 2 dəfə olmaqla 4-8 həftə müddətində, orta hesabla 6 həftə qəbul edilir

Zollinger-Ellison sindromu:

• Böyüklərə: gün ərzində 20-40 mq-dan 2-4 dəfə olmaqla, 4-8 həftə müddətində (bəzən daha çox) təyin edilir.

Mamalıq təcrübəsində turĢ mədə möhtəviyyatının aspirasiyasının profilaktikası:

• Doğuşun əvvəlində 40 mq təyin edilir

Cərrahi müdaxilələr zamanı turĢ mədə möhtəviyyatının aspirasiyasının profilaktikası:

• Böyüklərə: narkoz ərəfəsində və ya ümumi narkoza girişdən 90-120 dəqiqə əvvəl 20 mq daxilə təyin edilir

Qısa bağırsaq sindromu:

• Böyüklərə: təsirdən asılı olaraq 40 mq olmaqla gün ərzində 2 dəfə (səhər və axşam) təyin edilir.

Venadaxili üsuldan yalnız peroral qəbulun qeyri-mümkünlüyü və stress təsirindən törənən yaraların profilaktikasında istifadə olunur: çox yavaş, 20 mq dozada, 2 dəq-dən tez olmayaraq yeridilir. Maksimal günlıq venadaxili yeridilmə dozası 40 mq-dır.

Ahıl yaşlı və ya böyrək funksiyası zəifləmiş (kreatinin klirensi 30 ml/dəqiqədən aşağı olduqda) xəstələrdə preparatın dozası 20 mq-a qədər azaldılır və ya 40 mq preparat 36-48 saatdan bir təyin edilir.

Əlavə təsirləri:

•  Baş ağrısı, yorğunluq, zəiflik;
•  Agızda quruluq, iştahasızlıq, ürəkbulanma, qusma, dispeptik pozğunluqlar (qəbizlik və ya ishal);
•  Daha az hallarda yuxululuq və ya yuxusuzluq, qulaqda küy, dadbilmə hissiyatının təhrif olunması, anoreksiya, abdominal ağrı;
•  Psixi funksiyaların müvəqqəti pozulması;
•  Ümumi bilirubinin səviyyəsinin azalması, qan zərdabında transaminazaların səviyyəsinin artması, qaraciyərdaxiil xolestaz;
•  Leykopeniya, aqranulositoz;
•  Allergik reaksiyalar: qızdırma, angionevrotik ödem, övrə, dəridə səpgi;
•  Aritmiya;
•  Əzələ ağrıları, artralgiya;
•  İmpotensiya, libidonun zəifləməsi qeyd edilir.

Əks-göstərişlər:

•  Hiperhəssaslıq;
•  Hamiləlik və laktasiya.

Xüsusi göstərişlər:

• Böyrəklərin və qaraciyərin funksiyasının pozulması, bronxial astma zamanı preparat uzunmüddətli təyin edildikdə (6-8 həftə və daha artıq) periferik qanın vəziyyətinə müntəzəm nəzarət etmək lazımdır.
• Uzunmüddətli müalicədən sonra preparatın qəbulunun kəskin dayandırılması sekretor «sıçrayış» sindromuna səbəb olur ki, bu da xəstəliyin residivi ilə nəticələnə bilər.
• Yuxarıda göstərilən səbəblərə görə dozanın tədricən azaldılması və preparatın qəbulunun dayandırılması zamanı digər antisekretor dərman vasitələrilə farmakoloji müdafiə prinsipinə riayət etmək vacibdir.
• Famotidin və antasidlərin kombinə olunmuş şəkildə təyin edilməsi zamanı antasidlər famotidinin absorbsiyasını poza bilər. Buna görə də bu dərman vasitələri ən azı 1,5-2 saat intervalla qəbul etmək lazımdır.
• Uşaq yaşlarında preparatın təhlükəsizliyi və effektivliyi müəyyən edilməmişdir.
• Hamiləlik və laktasiya zamanı təyin etmək məsləhət görülmür.